Поранешниот сопруг на Софија Вергара, Џо Манганиело, синоќа за првпат се појави со новата девојка Кејтлин О’Конор на црвениот тепих. Двојката присуствуваше на гала настанот „Children of Armenia Fund“ (COAF) во Њујорк, а откако пред неколку месеци беше откриена нивната романса, ова нивно појавување може да се окарактеризира како чекор напред кон посериозна врска, но и празнично официјализирање на љубовната врска.

Џо Манганиело (46) и Кејтлин О’Конор, која е 13 години помлада, позирале прегрнати на црвениот тепих, каде на актерот му била врачена награда за хуманитарна работа, пишува „Пипл“ (People).

Joe Manganiello and Caitlin O’Connor Make Red Carpet Debut as a Couple During N.Y.C. Gala https://t.co/YRffIW5epS

— People (@people) December 10, 2023

Поранешниот сопруг на Софија Вергара, својата нова партнерка ја запознал на афтер-забавата на драмата на ХБО „Winning Time: The Rise of the Lakers Dynasty“ во септември во Лос Анџелес. По таа прва средба, тие почнале да се гледаат, а пред три месеци биле видени како ја напуштаат познатата теретана во Калифорнија. Во меѓувреме неколку пати се појавиле заедно во јавноста.

Манганиело поднесе барање за развод од колумбиската актерка во јуни, седум години по нивната венчавка поради непомирливи разлики. Прашањето која е вистинската причина за раскинувањето, и покрај бројните известувања, сепак остана отворено.