Поранешниот српски репрезентативец Александар Коларов и официјално стави крај на својата играчка кариера. Коларов најави дека ќе остане во фудбалот бидејќи планира да спортски директор и скаут.

– Доаѓам до крајот на оваа фаза од мојот живот чувствувајќи големо задоволство од постигнатото. Се надевам дека со моето секојдневно докажување на теренот и надвор од него барем делумно се оддолжив за оваа прекрасна игра и на сите оние кои ме поддржаа. Сега сум фокусиран на мојот „нов живот“ во фудбаот. Наскоро во Националниот фудбалски центар на Италијанската фудбалска федерација во Коверчано ќе започнам со школување за спортски директор и за скаут – изјави Коларов.

Коларов најголеми успеси во кариерата имаше настапувајќи за Манчестер сити со кого освои две титули во Премиер лигата, еден ФА Куп, два Лига купа и еден Комјунити шилд.

Коларов професионалната кариера ја започна во Чукарички, а има играно и за ОФК Београд, Лацио, Рома и Интер кој му беше последен клуб во кариерата.

За репрезентацијата на Србија одигра 94 натпревари и постигна 11 голови.