Поранешната сопруга на Тоти за разводот: Видов работи кои можат да уништат 50 семејства
Телевизиската водителка Илари Блази за италијанскиот „Corriere dello Sport“ прозборе за нејзиниот развод со фудбалерот Франческо Тоти.
„Секогаш сум ги штитела моите деца и ќе продолжам да ги штитам. Заштитата на моите деца е на прво место. Секој е одговорен за своите постапки. Во последните години видов работи кои можат да уништат околу 50 семејства“, изјави Блази преку адвокатот Алесандро Симеоне.
View this post on Instagram
Италијанските медиуми претходно пишуваа за тоа како Тоти ја изневерувал Илари со Ноеми Боки со која беше виден на вечера во ресторан во Торино. Фудбалерот неодамна објави дека се разведува со Илари.
„Се обидов да ја надминеме кризата во нашиот брак, но сега разбрав дека одлуката за разделба, иако болна, беше неизбежна. Се што кажав и направив во изминатите месеци беше со намера да ги заштитам нашите деца, кои секогаш ќе бидат на врвот од листата на приоритети во мојот живот. Ќе останам близок со Илари за да можеме заедно да ги одгледуваме нашите три убави деца и секогаш ќе ја почитувам својата сопруга. Верувам дека ќе се почитува нашата приватност, особено мирот на нашите деца“, тој рече.
View this post on Instagram
Тоти и Илари се запознале и почнале да излегуваат во 2002 година, а се венчаа во јуни 2005 година. Заедно имаат три деца – синот Кристијан и ќерките Шанел и Изабел.
Повеќе написи на темата:
„Принцот на Рим“ потврди дека се разведува од Илари Блази по 17 години брак
„Тотален пресврт“: Познати сите детали за разводот на Франческо Тоти и Илари Блази
