Поради тридневната жалост, РФМ го одложи стартот на Супер Лигата

Натпреварите од првото коло во ракометната Супер лигата наместо в четврток ќе се играат в недела/Фото: РК Металург/rkmetalurg.mk

Со едноминутно молчење во знак на почит кон жртвите од трагичниот пожар во модуларниот КОВИД центар во болницата во Тетово и во знак на сочувство со нивните семејства, Владата на Република Северна Македонија на денешната вонредна седница донесе одлука да биде прогласена тридневна жалост на територијата на целата држава.

Владата апелира до сите општествени чинители да ги одложат сите јавни и приватни прослави, забави, културно-уметнички и спортски настани, партиски и друг тип на промоции предвидени за овие три дена.

Веднаш после таа одлука, денеска го направи Ракометната федерација на Македонија која го одложи стартот на Супер Лигата.

Па така, првото коло предвидено за денеска (09.09.21) се одложува за недела (12.09.2021 година).

– Почитувани,

Поради прогласената три дневна жалост и апел од Владата да се одложат сите спортски манифестации, Ве информираме дека првото коло од ракометната Супер Лига предвидено за денес (09.09.2021 г.) се одложува за недела (12.09.2021 г.). Сочуство до семејствата – информираат од РФМ.

Во првото коло треба да играат Вардар 1961 – Скопје, Радовиш – Струга, Охрид – Тиквеш, Е. Пелистер – Е. Пелистер 2, Бутел Скопје – Прилеп, а како што е познато одложена е и средбата Металург – Т. Пролет, поради карантинот на поголем играчи во екипата на Пролет.

Голден Арт КЛ7: Доколку не се преземат мерки од РФМ, првенството ќе се смета за нерегуларно

Видео на денот