Ламаркус Олдриџ после 15 години на НБА терените, преку социјалните мрежи ја информираше јавноста дека одлучи да се пензионира..

Оваа одлука ја донесе после одигрувањето на последниот натпревар, на кој беше загрижен за своето здравје.

– Го одиграв последниот натпревар и почувствував дека срцето ми чука неправилно. Подоцна таа вечер ми беше уште полошо, па навистина бев загрижен. Следниот ден му кажав на клубот сè, а потоа бев во болница. Сега сум подобро, но она што го почувствував со моето срце таа ноќ беше едно од најстрашните нешта што сум го доживеал. И поради тоа, донесов тешка одлука да се пензионирам од НБА. За 15 години кошарката ми беше приоритет број еден, сега е време за моето здравје и семејството како прво – напиша Олдриџ на социјалните мрежи.

Тој беше избран на драфтот во 2006 година, како втор пик, од Портланд, за кој играше до 2015 година.

– Благодарен сум за сè, за спомените, подемите и падовите, пријателствата кои. Благодарност до Портланд што го драфтуваше едно слабо момче од Тексас и му даде шанса – вели Олдриџ.

Пет години беше во дресот на Сан Антонио, пред две недели потпиша за Бруклин, воедно седумпати беше учесник на „Ол Стар“ натпреварите.

pic.twitter.com/q69S0VhdFf

— LaMarcus Aldridge (@aldridge_12) April 15, 2021