Понуда од скоро 500 милиони евра за Лео Меси!
Еден од најдобрите во фудбалската игра, членот на Барселона Лионел Меси доби една неверојатна понуда. Британските медиуми шпекулираат дека Манчестер сити испрати понуда од 496 милиони евра на пет години во бруто износ.
Тоа се скоро 100 милиони по сезона, што би го направило Аргентинецот најплатен играч на планетата, со зголемување на платите од Барселона. Но, тоа не е ништо повеќе од она што го најавуваа „граѓаните“, а тоа се скоро 700 милиони евра за пет сезони.
Нема официјални преговори, пред сè затоа што Барселона не дозволи Аргентинецот да си замине, односно го потврди важечкиот договор во „спорот“.
Планот на Сити е Меси да биде две години на „Етихад“, со опција за уште една, а потоа да му се придружи на „братот“ на Сити од САД – Њујорк за уште две години.
Во Манчестер со оваа понуда ќе се обидат да го убедат шесткратниот најдобар играч на светот да ја прифати нивната понуда пред ПСЖ кој исто така е заинтересиран.