Поништување на сезоната не е опција за Премиер лигата!
И натаму се водат низа разговори меѓу ФА, клубовите и самите организации во Англија за тоа кога, како и дали да заврши фудбалската сезона 2019/2020.
Како што е веќе познато, британскиот премиер Борис Џонсон денеска најави попуштање на мерките, а до 1 јуни во Англија нема да се практикува професионален спорт.
Тоа значи дека од почетокот на следниот месец ќе се отвораат и опции за можно продолжување на натпреварувачката сезона во Премиер лигата. И натаму се водат низа разговори меѓу ФА, клубовите и самите организации во Англија за тоа кога, како и дали да заврши фудбалската сезона 2019/2020.
На денешната средба требаше да бидат објавени конкретни датуми за продолжување и завршување на првенството, но и пред тоа стана јасно дека оваа одлука е одложена затоа што сè уште има доста нејасни елементи…
"Our priority will always be the safety of players, coaches and managers, staff, supporters, and the wider community” – Premier League Chief Executive Richard Masters ⁰⁰
An update following today’s #PL Shareholders’ meeting ?https://t.co/3d0ujTwF96 pic.twitter.com/QIquF0pQCo
— Premier League (@premierleague) May 11, 2020
Извршниот директор на Премиер лигата, Ричард Мастерс откри дека ставот на поголемиот број на клубови е дека тие преферираат натпреварите да ги играат на своите стадиони, а не на неутрални терени што се одвои како едно од можните сценарија за продолжување на натпреварувањето.
– Наш приоритет секогаш ќе биде безбедноста на играчите, тренерите и менаџерите, стручните штабови, навивачите и пошироката заедница. Мораме да ги слушаме Владата, надлежните и медицинските експерти и продолжиме да ги следиме нивните совети. Владее една силна колективна волја за продолжување на сезоната. Ништо нема да биде одлучено додека не зборуваме со менаџерите и играчите – рече Мастерс.
Желбата е шампионот да се добие на теренот, а само уште малку му недостасува на Ливерпул да ја освои титулата, кој на табелата има дури 25 бода повеќе од вториот Манчестер сити..
Најверојатно едно е сигурно, дури и да не продолжи сезоната, Фудбалската асоцијација на Англија нема да дозволи нејзино поништување, а опција не е ниту крај без испаѓање.
Клубовите се едногласни дека договорите на играчите, кои истекуваат на 30 јуни, треба автоматски да бидат продолжени до крајот на сезоната.