Полицијата денеска запленила уште еден тон марихуана, од складиште на компанијата „Грин лајф“ во валандовското село Јосифово. „Грин лајф“ е една од шесте компании на кои државата им ги одзеде лиценците за одгледување канабис за медицински цели, во рамките на истрагата за петте тони марихуана од Македонија која во село кај Крушевац пред еден месец ја пронајде српската полиција.

-По наредба на јавен обвинител од Основно јавно обвинителство Гевгелија, полициски службеници од СВР Струмица, ОВР Валандово, денеска извршија претрес во простории на правен субјект за производство на марихуана во село Јосифово, велат од МВР.

Според податоците за компанијата достапни на интернет, „Грин лајф“ одгледува зачински, ароматични и лековити растенија, како и растенија за употреба во фармацијата.

Во тешкиот товар со лесна дрога имало и кокаин? ОЈО објави детали за патот на „тревата“ од Струмичко до Шумадија

Од досегашните информации кои ги споделија полицијата и Обвинителството, во истрагата за нелегална трговија со марихуана, запленети се повеќе од 40 тони марихуана.

Апасиев откри како би ги „решил“ фабриките за медицински канабис