Полицијата во петокот извршила претрес во берберница на улицата „Преспанска“ во Тетово и пронашла марихуана, вага и пиштол, соопшти Министерството за внатрешни работи.

Објектот го користел 21-годишниот Б.Л. од Тетово, кој не бил присутен за време на акцијата која се извршила во 13.10 часот.

Претресот бил спроведен во присуство на 23-годишниот Х.А. од Тетово, син на сопственикот на куќата под која се наоѓа берберницата, кој ја отворил вратата по наредба на полицијата.

При контролата биле пронајдени и одземени повеќе пакувања со марихуана, околу 2.000 празни ќеси за пакување, дигитална вага и пиштол марка „Зораки“, калибар 9 милиметри со една празна рамка.

Од МВР информираат дека по целосно расчистување и документирање на случајот против Б.Л. ќе биде поднесена соодветна кривична пријава.

Претрес во охридско, пронајдени дрога, оружје и муниција, лишено од слобода едно лице, следува пријава