Почина скопската легенда Алфонсо (ФОТО+ВИДЕО)
На познатата Фејсбук група Стари Скопјани пред околу еден час е објавено дека познатата скопската легенда и актер Рефет, попознат меѓу народот како Алфонсо, починал.
„RIP Рефет-Алфонсо. Со својот скопски шарм ќе остане во вечно сеќавање на скопјани и во сеќавањата на тие што минале низ Скопје“.
Тој редовно беше присутен во скопските кафулиња, пиејќи го своето познато капучино, па дури и во дискотеките, секогаш облечен во бело одело.
Алфонсо сите добро го познаваат од познатиот филм за ромите „Шампионите од Шутка“, но тој исто така своја улога зема и во „Дом за бесење“ и „Црна мачка бел мачор“ на познатиот продуцент и режисер Емир Кустурица.
Како тој уживаше во својот живот раскажува и во интервјуто за Бла Бла ТВ во кое ги откри моментите на големото платно, соработката со Кустурица, филмот во Полска, модата, сакоата и машните, сликањата по градот, фалбите, како се фаќа женска, до кога ќе тера младалачки живот и друго, погледнете…
Почивај во мир!