Еден од најпознатите британски пејачи на фолк музика, Роџер Витакер, почина на 87-годишна возраст. Во соопштението на неговото семејство се наведува дека уметникот починал на 13 септември во болница во јужна Франција, пишува „Дејли меил“ (Dailymail).

“Роџер беше култен уметник, прекрасен сопруг и татко. Тој допре многу срца со својата музика и секогаш ќе живее во нашите срца”, се наведува во соопштението на семејството на славниот пејач.

Витакер ги отепа хитовите „Durham Town“, „New World In The Morning“ и верзија на „Wind Under My Wings“. Неговата соработка со Дес О’Конор на песната „Sky Boat Song“ од 1986 година беше исто така многу забележителна.

Од 1964 година е во брак со сопругата Натали, со која има пет деца, Емили, Лорен, Гај, Џесика и Александар. Покрај нив зад себе остави и 11 внуци.

Тој бил кремиран на приватна церемонија во саботата.