Бил Витерс, американскиот соул пејач, кој ги напиша и отпеа хитовите како „Lean on Me”,„Ain’t No Sunshine” и „Lovely Day” почина на 82 годишна возраст поради срцеви проблеми, потврдија членовите на неговото семејство.

– Скршени сме поради загубата на нашиот сакан сопруг и татко. Ги спојуваше луѓето. Живееше мирен и повлечен живот во кругот на своето семејство и пријателите, но неговата музика засекогаш ќе му припаѓа на овој свет. Во овие тешки моменти, се надеваме дека неговата музика ќе им пружи утеха на неговите обожаватели, соопшти семејството на починатиот.

Тој три пати ја освои Греми наградата, а во екот на пандемијата на коронавирусот бројни здравствени работници, како и уметници направија обработка на неговата песна „Lean On Me“ и истакнаа како таа им помага во овие тешки моменти. Во песната „ Lovely Day“ тој пее за убава жена, а на крајот од песната го држи тонот полни 20 секунди, што е рекорд за било која песна на американската топ-листа.