Францускиот сериски убиец Мишел Фоурнирет почина денес во болница во Париз, објави обвинителството.

Седумдесет и деветгодишниот  Фоурнирет бил пренесен во затворската болница на 28 април поради проблеми со срцето и издржувал две доживотни затворски казни за убиство на осум лица.

Обвинителството изјави дека е отворена истрага за причините за смртта на серискиот убиец и дека ова е вообичаена постапка во случај на смрт во затворен круг.

Фоурнирет попознат како „Чудовиштето од Ардените“, во 2008 година призна дека убил седум жени од 1987 до 2001 година. Тој беше осуден на доживотен затвор за тие убиства, но во 2018 година беше осуден и на доживотен затвор за друго убиство. Серискиот убиец призна уште три убиства во март минатата година, како и вмешаност во убиството на девојчето Естел Музин, која исчезна во 2003 година, а чие тело сè уште не е пронајдено.

Фоурнирет беше под истрага за исчезнување на уште две жени. Адвокатите на жртвите изразија разочарување што судството остана без одговор за сите злосторства извршени од Фурнире.

За време на едно од испитувањата, Венери се опиша себеси како „лошо суштество лишено од секакво човечко чувство“.

Психијатрите изјавија дека неговите ладни признанија за убиствата сведочат дека бил егоцентрична личност, без никакво чувство на каење и целосно рамнодушен на болката на семејствата на жртвите.