После првото полувреме шпанската фудбалска репрезентација води со 3:0 против Саудиска Арабија и е пред првата победа на Светското првенство.

Шпанците веќе во 10 минута дојдоа во водство преку моментно една од најталентираните и најголемите ѕвезди на Мундијалот, Ламин Јамал.

Микел Ојарзабал му асистираше на играчот на Барселона кој беше на втората статива и без никакви проблеми ја испрати топката во противничката мрежа.

Јамал, кој веќе стана европски шампион со Шпанија, го постигна својот прв гол во неговата кариера на Мундијалите.

Вториот и третиот погодок беа дело на Ојарзабал во 21 и 24 минута од натпреварот што се игра во Атланта, САД.