Почина Богдан Маковеј, тренерот на Кометал ЃП и на женската репрезентација која беше хит на СП 1997
Денеска на 67-годишна возраст во Романија, почина ракометниот стручњак Богдан Маковеј. Маковеј е тренерот кој ги оствари првите големи успеси со женската ракометна репрезентација, а беше тренер и на Кометал ЃП во 1990-тите години.
Маковеј ја предводеше репрезентацијата на Македонија на Светското првенство 1997 година кое се одржа во Германија, а на кое ракометарките го освоија седмото место, што претставува најголем успех досега.
маковеј исто така беше и тренер на Кометал ЃП со кого играше во четвртфиналето на Лигата на шампионите.
Интересно е што Маковеј во својата тренерска кариера најчесто предводеше женски екипи (Кометал ЃП, Влчеа) и репрезентации (Македонија и Романија), а има тренирано само една машка екипа, Пелистер со кого играше во финалето на Челинџ купот во 2002 година.