Почина Бабушка од Евровизија, ја загуби борбата со ракот
Пејачката Зоја Дородова, членка на популарната група „Бурановски бабушки“ од Евровизија, почина од рак на 85-годишна возраст.
Препорачано
Тажната вест денеска ја соопштил претседателот на Малопургинскиот округ во Удмуртија, Александар Деев.
– Ова е ненадоместлива загуба за нашата култура, за сите нас. Моето најдлабоко сочувство до семејството, пријателите и сите што ја делат оваа тага. Тага ја делиме со вас – рекол Деев во пораката на социјалната мрежа ВКонтакте.
Зоја Дородова е родена на 15 април 1940 година. Долго време работела како пекарка во пекарницата на Бураново, а потоа како млекарка во колективната фарма. Откако се омажила, се преселила во селото Бабино, каде што работела како готвачка и раководителка на училишната кујна.
Подоцна се вратила во родното Бураново и се приклучила на креативниот тим кој станал широко познат во Русија и во странство поради учеството на Евровизија во 2012 година.
Групата „Бурановски бабушки“ го освои второто место на натпреварот на Евровизија во 2012 година.
ФОТО+ВИДЕО | „ЛЕЛЕК“ победи на „Дора“, Хрватска испраќа етнозвук на Евровизија
