Хрватскиот премиер Андреј Пленковиќ денеска изјави дека светот е на почетокот на она што е веројатно најголема енергетска криза, пренесува ХРТ.

„Владата ќе ги искористи сите алатки што се на располагање за да ја ублажиме таа состојба“, рече тој пред новинарите по посетата на реновираните локации по повод шестгодишнината од земјотресот во Загреб.

Тој, исто така, оцени дека енергетската криза предизвикана од војната може да потрае, со оглед на тоа што ситуацијата ескалирала со нападот на Израел врз нафтеното поле Јужен Парс и одмаздата на Иран против енергетските објекти низ Заливот.

Подготовка за најлошото: Кризата со горивото се шири, државите воведуваат мерки за штедење

„Доколку полиња и рафинерии бидат погодени, тогаш времето потребно за враќање во состојбата на нормализација ќе потрае подолго. Затоа таа проценка на Меѓународната агенција за енергија е многу сериозна“, рече Пленковиќ.

Тој, исто така, верува дека енергетската криза ќе биде поизразена од онаа пред четири години, предизвикана од агресијата на Русија врз Украина, а посочи дека ова е ненадејно и големо зголемување на цените на енергенсите што нужно бара владини мерки.

Цената на гасот во Европа се зголеми за 35 проценти поради нападот врз енергетската инфраструктура во Заливот

„Тоа е сериозен раст, не е мал. Растот на цената на еуродизелот би бил околу 20 проценти, на супер бензинот практично 15 проценти, а на ‘синиот дизел’ речиси 30 проценти“, посочи тој.

Смета дека се наоѓаме во досега најпредизвикувачката ситуација во однос на снабдувањето со енергенси, со оглед на блокираните флоти, танкерите кои не можат да поминат низ Ормускиот теснец, можностите за транспорт и преработка на нафта, како и постројките или нафтените полиња погодени од војната. Исто така, истакна дека е тешко да се компензира загубата од 20 проценти од светската нафта.

САД привремено ги укинаа санкциите за иранска нафта за да се стабилизира пазарот