Поранешната порно-ѕвезда Миа Калифа предизвика бурна реакција на интернет, откако гласно го поддржа терористичкиот напад на Хамас во кој загинаа стотици луѓе. Калифа постојано го поддржуваше терористичкиот напад на групата, споделувајќи објави на нејзиниот профил на Икс (поранешен Твитер), каде ги повикуваше терористите на Хамас да снимаат хоризонтално за да може подобро да го набљудува масакрот.

I’d say supporting Palestine has lost me business opportunities, but I’m more angry at myself for not checking whether or not I was entering into business with Zionists. My bad. https://t.co/sgx8kzAHnL

— Mia K. (@miakhalifa) October 8, 2023

Откако нејзините профили на социјалните мрежи покажаа поддршка за палестинската милитантна организација Хамас, во кои дури и се потсмеваше на жртвите на масакрот, Миа Калифа е отпуштена од онлајн магазинот „Плејбој“, пишува „Њујорк пост“.

„Ве известуваме за нашата одлука да ја прекинеме соработката помеѓу ‘Плејбој’ и Миа Калифа, вклучително и бришењето на нејзиниот канал на нашата платформа“, се вели во билтенот до претплатниците на онлајн магазинот.

Во пораката се наведува и дека „Плејбој“ поттикнува слободно изразување и конструктивна политичка дебата, но има политика на нулта толеранција за говорот на омраза, пишува порталот „Бизнис тудеј“.

Во објава на нејзиниот профил на мрежата Икс, Калифа ги повика борците на Хамас „да ги свртат телефоните и да ги снимаат егзекуциите хоризонтално“.

„Ако можете да ја погледнете ситуацијата и да не бидете на страната на Палестина, тогаш сте на погрешната страна на апартхејдот и историјата ќе покаже со текот на времето“, напиша таа во друга објава.

Покрај „Плејбој“, Калифа е отпуштена и од канадскиот подкаст што го водеше со водителот Тодом Шапиро.

ФОТО | Поранешната порно-актерка го поддржа вооружениот напад во Израел: Се пошегува за масакрот на невини луѓе