Плата од шест милиони евра, Ибрахимовиќ останува во Милан
Шведската ѕвезда и натаму ќе ги брани боите на „росонерите“, според „Гаѕета дело Спорт“ ќе има загарантирана плата од шест милиони евра.
Златан Ибрахимовиќ кој на 3 октомври ќе наполни 39 години, ќе има и одредени бонуси, 500.000 за освојување на Лига Европа, пола милион за пласман во Лигата на шампионите, како и паричен додаток за број на голови.
Од јануари по вторпат во својата кариера е во дресот на Милан, после американската авантура со екипата на Лос Анџелес Галакси. На 18 натпревари во Серија А постигна 10 голов и уште еден на два натпревари во италијанскиот Куп.
Да додадеме уште дека досегашниот играч на Хамарби (сопственик е Ибра), 17-годишниот напаѓач Емил Робак за 1.5 милион евра го засили клубот од „Сан Сиро“, поточно младинскиот тим.
Запиша пет настапи за У17 селекцијата на Шведска, воедно овој фудбалер се поврзуваше и со трансфер во Арсенал.