Во Јувентус се уште се надеваат дека Луис Суарез ќе се премисли, нема да влегува во „војна“ со Барселона и ќе потпише договор со италијанскиот шампион по што ќе се започне со реализација и на останатите трансфери.

Резервна опција доколку не пристигне Суарез е Един Џеко од Рома кој веќе ги има договорено личните услови со „старата дама“ и тој трансфер би се реализирал наредниот викенд.

Но, тренерот Андреа Пирло бара од управата да реагира итно и да му донесе нов играч во средниот ред. На последниот контролен натпревар Јувентус со 5:0 ја совлада Новара, а како напаѓач играше Кристијано Роналдо, со што се намалуваат опциите во средниот ред.

Италијанските медиуми тврдат дека Јувентус сака да направи размена со Баерн Минхен за да го освежат средниот ред. Дел од медиумите во Италија објавија дека се направени првични контакти со германскиот тим и планот на челниците на Јувентус е да го вратат Даглас Кошта назад во Баерн Минхен во замена за Тијаго Алкантара.

Проблем за Јувентус во реализација на оваа размена и тоа што Кошта при заминувањето од Баерн Минхен во Јувентус, не се раздели „пријателски“ со челниците на германскиот тим и поради тоа шансите да се реализира оваа размена не се големи.