Еурофарм Пелистер загуби убедливо од ПИК Сегед со 35-20 во рамки на осмото коло од Лигата на шампионите. Унгарците уште од старт ја презедоа иницијативата, а македонскиот шампион беше рамноправен само до 3-3. Со серија од четири гола Сегед се одлепи на 7-3 и до крајот доминираше.

Полувремето заврши со 14-9, пред сè поради блескавите одбрани на голманот Миклер, кој продолжи во ист стил и во второто полувреме. Разликата постојано растеше и достигна до +15, што беше и највисоката предност на домашниот тим.

Најдобри стрелци беа Фримел и Кукиќ со по седум гола, додека кај Еурофарм Пелистер најефикасни беа Манасков, Атанасијевиќ и Хаџиќ со по три гола.

Преземено од: Sport.com.mk