Три полицајци се разболеа и итно се префрлени во болница откако во ресторан за брза храна во Њујорк испиле пијалок за кој се верува дека бил контаминиран со белило.

Полицијата на Њујорк соопштила дека службениците се префрлени во болница по консумација на непозната супстанца во ресторанот „Шејк шак“ и дека истрагата е во тек.

– За време на оброкот, полицајците сфатиле дека во нивните пијалоци има отровна супстанца, за која се верува дека е белило, се истакнува во соопштението. Ниту еден од полицајците не е во животна опасност.

#BREAKING When NYC police officers cannot even take meal without coming under attack, it is clear that environment in which we work has deteriorated to a critical level. We cannot afford to let our guard down for even a moment. pic.twitter.com/fbMMDOKqbV

— NYC PBA (@NYCPBA) June 16, 2020

Полицајците требале да ги следат најавените протести во Менхетн.

Како и останатите американски градови, и Њујорк се соочува со секојдневни протести од 25 мај кога под полициски надзор беше убиен Афроамериканецот Џорџ Флојд.