Петровиќ потпиша нов договор, Трајкоски и Ѓукиќ го напуштија Е. Пелистер 2

Босанецот Павле Петровиќ потпиша нов договор на една година/Фото: Е. Пелистер

Ракометниот клуб Е. Пелистер ја известува јавноста дека двајца ракометари на крајот на сезоната ќе го напуштат клубот на истек на договорот.

Од следната сезона дресот на Е. Пелистер 2 нема да го носат голманот Благојче Трајкоски и српското десно крило Милан Ѓукиќ.

Битолскиот клуб искрено им се заблагодарува на професионалниот пристап и залагањето во изминатиот период.

Воедно со Е. Пелистер 2 договорот го продолжи интернационалецот од Босна и Херцеговина, десниот бек Павле Петровиќ.

По успешните две сезони, во кои со екипата ги исполни зацртаните цели, Петровиќ стави потпис на нов едногодишен договор.

Босанецот за првпат ќе го предводи тимот на Е. Пелистер 2 во европските клупски натпреварувања во натпреварувачката сезона 2022/23.

Реконструкција на тимот: Девет играчи ќе го напуштат Е. Пелистер

Видео на денот