Словенечката полиција објави дека крадци во градот Драгомер украле сеф од 300 килограми од приватен дом, но дека четворица од петте крадци се уапсени.

Крадците се словенечки државјани од Ново Место, на возраст од 22 до 29 години, соопшти полицијат, додавајќи дека тоа се случило на 26 ноември, објави порталот 24UR.

Оттамју додаваат дека во сефот имало драгоцени предмети со голема вредност и дека крадците го деактивирале сензорското осветлување за време на грабежот и влегле во куќата низ прозорец на приземјето.

Содржината на сефот наводно била испразнета, а сефот бил запален и оставен во шумата во близина на Вишња Гора, скриен меѓу гранките.

Петтиот крадец сè уште се бара.