Портпаролот на Кремљ, Дмитриј Песков, денес изјави дека Москва би можела да го продолжи дијалогот со Европа во врска со руската војна во Украина, објави украинскиот весник „Киевски Индепендент“.

Песков рече дека Кремљ е заинтересиран за продолжување на комуникацијата и изрази надеж дека на крајот ќе се постигне „прагматичен пристап“.

„Руската страна ќе биде подготвена за тоа“, рече портпаролот на Кремљ.

Песков ја критикуваше високата претставничка на Европската Унија (ЕУ) за надворешна политика и безбедност, Каја Калас, која беше премиер на Естонија, оценувајќи дека таа нема да биде соодветна за идните преговори со Москва.

„Не би било во интерес на Каја Калас да ја игра улогата на преговарач. Не би било лесно за неа. Ако се сеќавате, (рускиот претседател Владимир) Путин рече дека тоа може да биде секој што не кажува премногу лоши работи за Русија“, додаде портпаролот на Кремљ.