Перо Антиќ се прости од Дуда Ивковиќ: Ти благодарам за сѐ

Претседателот на кошаркарската федерација на Македонија (КФСМ) работеше заедно со Дуда во Олимпијакос и заедно во 2012 година триумфираа во Евролигата.

Смртта на еден од најдобрите тренери на сите времиња, Душан Дуда Ивковиќ го потресе кошаркарскиот свет, многумина за последен пат се простуваат од великанот на европската кошарка, а меѓу нив е и Перо Антиќ.

Претседателот на кошаркарската федерација на Македонија (КФСМ) работеше заедно со Дуда во Олимпијакос и заедно во 2012 година триумфираа во Евролигата.
„Ти благодарам за се, „коуч“… Почивај во мир, Дуда“, напиша Антиќ на својот инстаграм-профил, крај заедничките фоторафии со трофејниот стратег.

Душан Ивковиќ се смета за еден од најдобрите и најуспешните европски и светски тренери. Тој со селекцијата на Југославија три пати триумфира на Европските првенства, во Загреб 1989 година, во Рим 1991 и во Атина 1995 година.

Како кошаркар тој настапуваше на бековската позиција, а како тренер ги водеше екипите на Партизан, Арис, Раднички Белград, Шибеник, Војводина, ПАОК, Паниониос, Олимпијакос, АЕК, ЦСКА, Динамо Москва и Анадолу Ефес.

Видео на денот