Шпанскиот голман Пепе Реина тврди дека ги имал сите симптоми на коронавирусот и дека во овие моменти состојбата му е многу подобра, откако беше во самоизолација.

Поранешниот голман на Барселона, Ливеерпул, Баерн Минхен и Милан, а сегашен член на Астон Вила, на шпанските медиуми им откри со какви маки се соочуваше поради коронавирусот.

– Имав симптоми на коронавирус. Минатата недела имв сува кашлица, грозница и тешко дишење, но веќе се чувствувам подобро. Ги следам вестите за тоа што се случува во Европа и светот. Најважно е да се почитуваат правилата и советите на лекарите и само така може ова да заврши побрзо.
Мора сериозно да се сфати изолацијата бидејќи само така може да помогнете во оваа борба – раскажува Реина кој исто така изјави дека не направил тест за ковид-19.

– Загрижен сум за луѓето кои живеат во станови од 70 квадратни метри, и тоа се деца. Фудбалот е небитен во овие моменти, човечноста и над се. Не знам дали ќе играме фудбал оваа сезона, бидејќи натпреварите без гледачи немаат никаков смисол. Знам дека тука постојат економски фактори, но не е само во спортот.