Патници се надеваа дека ќе „патуваат низ времето“ за двапати да ја прослават Новата година, но на крајот се разочараа
Патниците на летот на Јунајтед ерлајнс кои се надевале дека ќе патуваат „назад во времето“ за Новата година, ја започнаа годината со несреќен почеток.
Летот УА200 првично требал да тргне од Гуам во 7:35 часот на 1 јануари 2024 година и да слета во Хонолулу, Хаваи во 18:50 часот, на 31 декември 2023 година. Ова патување низ временските зони првично требало да ги врати патниците една година назад, пишува Си-Ен-Ен.
„Живееш само еднаш, но можеш двапати да ја прославиш новогодишната ноќ!“ твитна Јунајтед ерлајнс претходно таа недела. Во посебна објава на Инстаграм за летот УА200, компанијата напиша: „Патувањето низ времето е реално“.
You only live once, but you can celebrate New Year's Eve twice! 🎉🎉
UA200 departs Guam at 7:35 a.m. on January 1, 2024 and lands in Honolulu at 6:50 p.m. on December 31, 2023. pic.twitter.com/T3QY1ED9Bl
— United Airlines (@united) December 28, 2023
Патувањите низ временските зони за Нова година не е нова практика – секоја година, неколку летови им нудат на патниците шанса повторно да ја прослават новогодишната ноќ, при што екипажот на авиокомпанијата понекогаш ја одбележува приликата повеќе пати во една рута.
Но, оние на УА200 на крајот се разочарале. Летот бил одложел, а на крајот полетал од Гуам во 13:49 часот на 1 јануари и слетал во Хонолулу во 12:34 часот на 1 јануари, пропуштајќи го одбројувањето.
Неколку патници ги изразија своите поплаки на социјалните мрежи.
„Одлична идеја, штета што се одложи! Требаше да бидам на овој лет. Двојната Нова Година повеќе нема да се случи“, напиша едно лице под оригиналниот твит на Јунајтед ерлајнс.
„Го резервирав овој лет специјално за да можам да го направам тоа“, гласи друг коментар. „Добив известување за одложување што значи дека нема да ја дочекаме Новата година во Хонолулу“.
Авиокомпанијата одговори на Икс нудејќи им на патниците помош за пререзервирање.
Патниците на други точни летови имаа подобра среќа – на пример, летот CX872 на Катхеј Пацифик, кој полета од Хонг Конг после 1 часот по полноќ на 1 јануари и пристигна во Сан Франциско во 20:22 часот на 31 декември; и летот НХ106 на Ол Нипол Ерлајнс, кој полета од Токио во 12:48 часот на 1 јануари и слета во Лос Анџелес во 17:12 часот на 31 декември.
