Белградски Партизан запиша значајна победа во 14. коло од Евролигата, совладувајќи го Баерн Минхен со 92-85 во Белградската арена.

Партизан на овој натпревар беше воден од Мирко Оцоколиќ, кој на својот дебитантски европски настап успеа да ја донесе екипата до важна победа. Партизан сега има биланс 5-9, ист како и Баерн, и останува во игра за повисок пласман.

Клучниот пресврт се случи на стартот на последната четвртина, кога Двејн Вашингтон и Ник Калатес ја презедоа контролата и поведоа серија која му донесе на Партизан предност од +14. Баерн успеа делумно да ја намали разликата, но домашниот тим се консолидира и ја задржа предноста до самиот крај.

Најистакнати кај Партизан беа Тајрик Џонс со 21 поен и 9 скокови, Двејн Вашингтон со 22 поени и 9 асистенции, додека Исак Бонга додаде 10 поени. Кај Баерн, Спенсер Динвиди постигна 25 поени, Владимир Лучиќ 17, а Јоханес Војтман имаше импресивни 10 поени и 18 скокови.

Преземено од: Sport.com.mk