Поранешниот тренер на Вардар и актуелен селектор на српската ракометна репрезентација, Раул Гонзалес, се очекува да ја преземе клупата на Партизан, пренесува „Моцарт Спорт“.

Според најавите, Гонзалес ќе стане нов шеф на стручниот штаб на белградскиот клуб од летниот период, кога сегашниот тренер Ѓорѓе Чирковиќ ќе го напушти кормилото на екипата.

Амбициите на Партизан за следниот период се исклучително високи, а централна фигура во проектот треба да биде токму шпанскиот стратег кој со Вардар го освои трофејот во Лигата на шампионите. Бело-црните оваа сезона добија покана за настап во ЕХФ Лигата на Европа, додека за следната година ја најавуваат својата кандидатура за место во елитната Лига на шампионите.

Веќе излегуваат на површина и првите детали околу договорот, според кои Гонзалес би требало да потпише двегодишна соработка, односно договор до 2028 година, кога истекува и неговиот мандат како селектор на Србија.

Србија запиша голема победа против Германија на Европското првенство