Мошусот е една од најпопуларните мирисни ноти и го има во многу комбинации во популарните парфеми. Постојат и парфеми со чист мирис на мошус, за кој и мажите и жените се колнат дека делува како афродизијак.

Неговата популарност го прави и омилен избор, било кај мажите или жените. Се верувало дека уште во антиката се користел во пригоди на додворување и заведување. Има нежен мирис кој остава впечаток на мистерија, елеганција и самодоверба.

Мошусот, односно чистото есенцијално масло, го продолжува мирисот на другите ароми во парфемите. Поради недостапноста и високата цена, комерцијалните парфемски брендови користат синтетички мирис на мошус, кој го има истиот пријатен, женствен и сензуален мирис.

Во зависност со какви ароматски ноти е комбиниран, може да биде дел и од дневни и лесни и од вечерни и ориентални мириси. На вас е да изберете кога ќе го користите.

Многу дами користат масло од мошус како основа и врз него нанесуваат друг парфем, со што се добива сложеност на мирисите. Одберете го својот омилен парфем и бидете сигурни дека со мошусот секогаш сте го направиле вистинскиот избор.