Градот Хиларио Аскасуби во близина на источниот атлантски брег на Аргентина се бори со наездата на илјадници папагали кои, според биолозите, ги напуштиле околните ридови по уништувањето на шумите.

Во последниве години, папагалите бараат засолниште во градот во текот на есента и зимата, предизвикувајќи различни проблеми, вклучително и прекин на електричната енергија по гризењето на електричните кабли, правејќи неподнослива бучава и оставајќи измет насекаде, објави „Ројтерс“.

Биологот Дајана Лера вели дека уништувањето на шумите во ридовите предизвикува папагалите да дојдат во градот за да најдат храна, вода и засолниште, истакнувајќи дека голем дел од шумското земјиште во Аргентина е исчистено со текот на годините.

Според локалните жители, понекогаш има и до 10 папагали на секој од 5.000 жители на градот Хиларио Аскасуби.

Жителите велат дека пробале различни методи за да ги исплашат папагалите, вклучувајќи бучава и ласерски светла, но ништо не успеало. Во текот на летото, папагалите мигрираат на југ до карпите на Патагонија за сезоната на парење.