Еден од најискусните македонски репрезентативци како што пренесуваат италијанските медиуми, ќе остане верен на Џенова.

Иако за годинава се шпекулираше дека Горан Пандев би можел да ја заврши професионалната фудбалска кариера и со желбата истата да ја круниса со историски настап на ЕП со репрезентацијата, многу работи за краток период се променија поради коронавирусот.

Rassegna Stampa del 26 Marzo: #Genoa e #Sampdoria unite contro i #playout. #Pandev verso il rinnovo https://t.co/sszvemO15P di @buoncalcio

— Buon Calcio a Tutti (da ?) (@buoncalcio) March 26, 2020

Нашиот „Гранде“ Пандев и на 36 години ги тресе мрежите во Серија А, до прекинот на оваа сезона за Џенова во најсилното италијанско првенство имаше седум голови од 22 натпревари што го моментно најдобар стрелец на клубот, заедно со Доминико Кришито кој го има истиот учинок на погодоци.

Неговиот договор трае до 30 јуни 2020 година, а како што известуваат од Апенините, се очекува Македонецот да стави нов потпис со екипата од „Луиџи Ферарис“.

Пандев е клучен игра на Џенова која и сезонава во Серија А се бори за опстанок, моментно е на засега безбедното 17 место со 25 бодови, но исто толку има и Лече кој е во опасната зона за испаѓање.

Сеуште нема точен датум кога би била продолжена сезоната, во зависност од ситуацијата, се шпекулира дека можно е тоа да се случи во јули или август.

Без сомнение јасна е намерата на Џенова, да го задржи Пандев во остварувањето на клупските планови, а воедно зошто да не биде остварена и желбата наредната 2021 година да го гледаме нашиот најдобар стрелец во националната селекција и на континенталниот собир.