Капитенот на македонската репрезентација, Горан Пандев, најави дека планира да стави крај на фантастичната кариера по настапот на Европското првенство ова лето, но неговиот тренер во Џенова, му се „закани“ со ќотек доколку помисли на такво нешто.

Балардини по триумфот над Наполи, во шега изјави дека Пандев ќе добие ќотек доколку се пензионира и го сака во својот тим и идната сезона.

– Да го имаш Пандев во тимот е голема чест, тој е играч со карактер, што на тренерите им ја олеснува задача кога е крај вас. Ќе тераме заедно до крајот на сезонава, а потоа ќе видиме… Доколку реши да се пензионира, ќе го тепам, нема да кажам на никој, ама ќе го тепам. Тој се плаши од мене – шеговито прокоментира Балардини.