Дали е поради традиција, од страв или од чисто суеверие, не е познато, но луѓето масовно веруваат дека одредено однесување на 31 декември ќе им донесе среќа или несреќа следната година, а еве ги најчестите новогодишни обичаи:

Покрај огнометите, танцувањето и забавата што се дел од новогодишната прослава, долната облека во одредена боја е исто така „задолжителна“, дури и ако сте се одлучиле за домашна верзија на прославата во удобна и не толку гламурозна облека.

Традицијата на носење црвена долна облека датира од далечниот среден век, кога носењето црвена облека не било дозволено. Тогаш, црвената боја се поврзувала со крв, ѓавол и вештерство. Но, без оглед на суеверијата, луѓето копнееле да носат црвена облека за време на темната зима, бидејќи црвената облека била и симбол на животот и сончевата енергија. Па така, населението, сакајќи да избегне казна, пронашло совршена алтернатива: криеле црвени ткаенини под слоеви облека.

Денешниот обичај за носење црвена долна облека на преминот од Старата во Новата година, кој ги прошири своите симболични корени од Шпанија низ целиот свет, за сите оние кои сакаат да ја пронајдат љубовта во Новата година.

Од друга страна, жолтата облека ја носат ловците на кариери, односно оние кои сакаат повеќе пари отколку во претходната година.

Уште една традиција што доаѓа од латинските земји е и вадењето патни торби од плакарот како симбол за среќни патувања во иднина.

Еве уште народни верувања поврзани со дочекот на Новата година:

Не треба да влегувате во новата година со долгови, бидејќи тие ќе ве следат во текот на целата година.

Не смеете ништо да изнесувате од куќата, па дури ни да ги истресете трошките од чаршафот. Во спротивно, следува година без пари.

Новата година треба да се дочека со многу бучава, бидејќи така себркаат злите духови.

Лицето од спротивниот пол прво треба да ви ја честита Новата година, поради среќа во љубовта.

Кога ќе се отвори шампањот, подгответе се да ве погоди плутата! Имено, се верува дека во тој случај ќе имате одлична година пред вас. Ако плутата не ве удрила, тогаш погрижете се да ја испиете последната голтка од шишето, бидејќи дури и во тој случај следува одлична година.

Ако сакате среќа во претстојната година, првиот гостин во куќата треба да биде темнокосо и високо машко лице кое ќе донесе подарок. Нема да биде добра година ако првиот гостин е машко лице со црвена или руса коса. Исто така, ако е женско лице, може да ви донесе лоша среќа!

Најинтересните обичаи низ светот

Данците кршат чинии пред влезната врата на новогодишната ноќ. Чиниите претставуваат пријатели, односно колку повеќе се скршени, толку повеќе пријатели ќе има во животот.

Во Грција, Новата година е и Ден на Свети Василиј. Тогаш се пече колач на Свети Василиј во кој се става паричка. Кој и да ја најде паричката, ќе има среќа во Новата година.

Во Јапонија се верува дека сè мора да се прости за да се влезе во новото лето целосно чист. На 31 декември, ѕвоната на будистичките храмови бијат 108 пати бидејќи така се истеруваат 108 човечки слабости. Во Тибет се организира новогодишно поклонение кое трае дури четири дена.

Стар сицилијански обичај вели дека среќата во новата година ќе им дојде на оние што јадат лазањи на Нова година, но лоша среќа го следи секој што јаде макарони или која било тестенина освен лазањи на тој ден.

Во Шпанија, кога ќе чукне полноќ, треба да се изедат 12 зрна грозје – по едно за среќа во секој месец од годината.

Во некои градови во Колумбија, семејствата симболично го слават поминувањето на старата и доаѓањето на новата година со забава со кукла. Голема машка кукла ја претставува старата година, семејството ја завиткува во различни материјали и конечно, точно на полноќ, ја палат.