Можеби пицата што ја правите дома не е идентична со онаа од ресторан, но тоа не значи дека не можете да ја направите уште подобра и повкусна.

Всушност, не треба да користите никакви посебни состојки за да направите домашна пица – само следете неколку клучни правила.
Една од најчестите грешки е кога прерано го тргаме тестото од оган. За тестото да биде еластично и добро да нарасне, мора да се остави доволно да „стаса“. Тестото најдобро е да го растегнете со раце бидејќи така ќе остане помеко. Ако почне да се собира при растегнување, тоа значи дека му треба уште малку време на собна температура.

Иако многу луѓе користат кечап како основа за пица, многу подобар избор е домашниот сос од домати. Со малку повеќе труд, можете да подготвите сос кој значително ќе го подобри вкусот на вашата пица. Сè што треба да направите е да изблендирате домати, да ставите зачини по ваш вкус и да ги премачкате преку тестото.

Кога пицата е подготвена за печење, важно е како ја печете. Прво, задолжително загрејте ја рерната на највисока температура за пицата да добие крцкава кора. Кога рерната е доволно загреана, ставете ја пицата и печете уште околу 10 минути. Овој чекор е клучен за да се постигне совршена пица.

Следејќи ги овие совети, можете да подготвите вкусна и квалитетна пица која сигурно ќе ги задоволи сите вкусови.