Тешка семејна трагедија се случи вчера во Лесковац, кога Милош И. (22) со секира го уби својот татко Предраг (45), бремената сестра Ана (18), маќеата Данијела Р. (43) и нејзината ќерка Сара, стара 12 години.

Милош на сослушувањето го признал злосторството, а бил слабо комуникативен заради својата психичка состојба.

Досегашните резултати на истрагата укажуваат дека мотивот била омразата спрема маќеата и нејзината ќерка, како и психичката болест на осомничениот.

На местото на злосторството, се пронајдени секира, панталони и маица на осомничениот со траги од крв.

Според наводите, до злосторството во Лесковац дошло бидејќи Милош барал од својот татко Предраг пари, а кога Предраг одбил да му даде, тој ја фатил секирата и на почетокот ја убил својата маќеа Данијела, сопругата на својот татко која наводно не ја поднесувал, веројатно за да му наштети на татко си.

Милош потоа ја убил својата полусестра Сара (12), потоа сестрата Ана (19) која била бремена, а на крајот му пресудил и на Предраг. Крвавата облека потоа ја сменил, а полицијата ја повикал дури следниот ден и го пријавил злосторството.