Откако Кристијан Ериксен колабираше за време на мечот на Данска против Финска на минатогодишното Европско првенство, му беше поставен дефибрилатор, а правилата во Италија го спречија да продолжи да игра за тамошните клубови.

Затоа Интер го раскина договорот за да му дозволи на Данецот да ја продолжи кариерата на друго место.

Милански Интер не остана без никакво обештетување за несреќата поради која остана без одличен играч за врска. Иако се шпекулираше дека добил отштета од УЕФА, „Калчомеркато“ сега објави, врз основа на финансискиот извештај на Интер, дека обештетувањето е три милиони евра, врз основа на инцидентот што се случил на натпревар под нејзина надлежност.

Ериксен пристигна во Интер од Тотенхем во јануари 2020 година за 27 милиони евра и забележа 60 настапи во сите натпреварувања и го освои Купот на Италија.

На фудбалот му се врати во Брентфорд, со кого по заминувањето од Интер потпиша шестмесечен договор, а летово како слободен играч потпиша тригодишен договор со Манчестер јунајтед.