Осум печурки од видот „мацутаке“, кои се одгледувале во Тамбасасајама на западот од Јапонија, биле продадени на пазарот во тој град по цена од 850.000 јени (4.800 евра), за време на аукцијата за нивното прво берење оваа есен, објави „Маиничи Шимбун“.

Печурките „мацутаке“ што биле понудени на аукцијата биле долги од 6,5 до 11 сантиметри и тежеле вкупно 263,5 грама, што ги прави најтешки меѓу првите сезонски печурки откако се отворил пазарот во 2018 година.

Иако, овие печурки обично се продаваат за 100.000 до 150.000 јени (564 до 846 евра) по килограм, вредноста на свежо набраните печурки брзо се зголемила на аукцијата.

Главниот готвач на ресторанот на хотелот „Танбасасајама Кинмата“, Норикугу Јошимура (39), кој успешно се натпреваруваше за печурките, рече дека хотелот во Танбасасајама „служи печурки ‘мацутаке’ од целата земја, но оние произведени во овој град имаат добра арома и богат вкус“.

– Ми олесни што победив на натпреварот, бидејќи некои од нашите гости со нетрпение очекуваат да ги пробаат – рече готвачот.

Тој додаде дека планира да им служи печено мацутаке на гостите што ќе преноќат во хотелот.