Осум екипи не сакаат да продолжи сезоната во Серија А!?
Можно е најсилното италијанско фудбалско првенство да продолжи кон крајот на мај или почетокот на јуни.
Советот на Лега Серија А на последниот состанок едногласно донесе одлука за завршување на натпреварувачката сезона 2019/2020.
Тоа ќе се случи само со дозвола од италијанската Влада, а според тамошните медиуми дури осум екипи од Серија А се против продолжување на сезоната во Серија А. Помеѓу нив е и Удинезе на македонскиот репрезентативец Илија Несторовски.
Против продолжување на сезоната се и Парма, Бреша, Торино, Сампдорија, СПАЛ, Болоња и Фиорентина поради „ризикот кој не може да се предвиди“.
– Советот на Лега Серија А едногласно ја потврди својата намера за завршување на спортската сезона 2019/20, доколку тоа го дозцоли Владата, со целосно почитување на правилата за здравје и безбедност. Продолжувањето на спортските активности, во т.н. фаза 2, ќе се спроведува во согласност со препораките на ФИФА и УЕФА, покрај одлуките на италијанската фудбалска федерација и во согласност со медицинските протоколи да ги заштити сите што се вклучени во одржувањето на натпреварите – објави Лега Серија А.
Од претходно се најавува дека можно е продолжување на сезоната кон крајот на мај или почетокот на јуни. Експресен одговор на италијанскиот министер: Фудбалот засега е последен проблем