Експресен одговор на италијанскиот министер: Фудбалот засега е последен проблем
Итлаијанскиот министер за здравство, Роберто Сперенца, експресно му одговори на челникот на итлаијанската фудбалска федерација за барањето да се даде зелено светло за продолжување на Серија А.
Гравина претходно изјави дека достави протокол за продолжување на сезоната во Серија А и дека чека одговор од министерствата за здравство и спорт. Одговорот дојде од италијанскиот министер за здравство, Роберто Сперенца.
– Јас сум страстен вљубеник во фудбалот, но со повеќе од 400 смртни случаи на ден, тоа е последниот проблем со кој планираме да се занимаваме – изјави Сперенца во разговор за радиото „Радио Капитал“.
Министерот е дециден, човечкиот живот е најважен и тоа треба да го сфатат сите.
– Денеска приоритетите на Италија се поинакви. Ќе направиме се за во одреден момент работите да се вратат во нормален тек. Но, отворањето на стадионите или училиштата би значело отворање на места каде што има контакти, а со тоа се зголемува ризикот за нови случаи – додаде Сперанца.