Османи за односите на Курти со САД и ЕУ: И во семејството има несогласувања
Претседателката на Косово Вјоса Османи, коментирајќи ги несогласувањата на премиерот Албин Курти со меѓународната заедница, особено со САД, рече дека понекогаш има несогласувања меѓу пријателите и членовите на семејството, пренесува Албанска пошта.
Османи посочи дека нема несогласувања со меѓународната заедница на полето на евроатлантските интеграции на регионот и дека косовските сојузници се причина за неговиот успех.
„Дури и меѓу најдобрите пријатели, и меѓу семејството, понекогаш имате несогласувања. Онаму каде што немаме несогласувања со меѓународната заедница е евроатлантската интеграција на регионот. Не верувам дека имаме несогласувања со меѓународната заедница дури и во нашите заеднички напори за зајакнување на суверенитетот, територијалниот интегритет како и нашата независност „Всушност, причината зошто Косово беше успешно, освен стабилноста на својот народ, беше тоа што имавме сојузници на наша страна“, изјави Османи за Ројтерс.