Османи: Историчарите да го ублажат тонот
Ги охрабруваме историчарите да го ублажат тонот на квалификациите по однос на историските прашања, истакна министерот за надворешни работи, Бујар Османи, додавајќи дека на последната средба со неговата бугарска колешка Екатерина Захариева бил дефиниран простор за изнаоѓање решение.
– Констатиравме дека со Договорот има разлики во нашите очекувања. Се договоривме да формираме работни групи од двете министерства за надворешни работи кои на дневна основа ќе разгопвараат во однос на различните интерпретации на одредени решенија, одговори Османи.
Според него било разговарано и за прашањето за името, односно дека користењето на долгата и кратката верзија на името не дефинираат територијални претензии.
– Ако кратко име предизвикува одредена загриженост во Република Бугарија дека некој тоа може да го интерпретира како територијална претензија на историскиот регион Македонија, мислам дека ние немаме проблем да направиме дополнително објаснување до бугарската страна дека новото име е во употреба како и долгото така и краткото, меѓутоа и краткото и долгото претставуваат иста територија а тоа е Република Северна Македонија, изјави Османи.