Еден од најдобрите од минатата сезона, левиот бек, Грузиецот Теимураз Орјоникидзе по повредата со која се здоби при репрезентативен настап во месец Мај, за жал, не успеа да му се стави на располагање на тренерот на ГРК Охрид Борис Ројевиќ Ројевиќ за време на зимскиот подготвителен период.

Клубот и играчот се договорија спогодбено да го раскинат договорот кој што беше со важност до крајот на оваа натпреварувачка сезона.

На крајот од минатата година ГРК Охрид ангажираше ново засилување кое дојде од Вардар 1961, десното крило Ален Ќосевски.

Зад ГРК Охрид дефинитивно е најдобрата полусезона, во домашната Супер лига моментно е на третата позиција со 29 бодови, само еден помалку зад актуелниот шампион Еурофарм Пелистер на второто место, а водечки е Вардар 1961 со 34.

Воедно бележи и успешни настапи во ЕХФ купот каде во осминафиналето ќе игра против Дукла од Чешка.