Колку сте добри во флертувањето со потенцијалните партнери? Можеби имате „риз“(rizz) без да знаете. Оксфордскиот збор за 2023 година доаѓа од англискиот сленг, а го опишува шармот и привлечноста и најмногу го користат младите, пишува „Би-би-си“

На листата на потенцијални зборови на годината имало вкупно осум, а по гласањето на интернет во потесниот избор влегле четири, по што експертите го прогласиле зборот на годината.

Што значи „риз“?

Ако англискиот не ви е мајчин јазик и сте родени по 1996 година, па припаѓате на Зумерите (родени меѓу средината на деведесеттите и почетокот на 2010-тите), овој збор веројатно не ви значи ништо. Сепак, тој е многу популарен меѓу корисниците на социјалните мрежи – хаштагот #rizz има милијарди прегледи на TикТок.

Според речникот на Оксфорд, „риз“ ја опишува способноста да се привлече романтичен партнер, а настанала со скратување на англискиот збор „харизма“ (charisma). Постои и глаголот „риз ап“ (riz ap), што значи да привлекуваш, заведуваш, кокетираш со некого.

Зборот беше популаризиран од Јутјуберот и стример на Твитер, Каи Сенат, кој го користеше меѓу своите пријатели. Стануваше се попопуларен, а за тоа придонесе и актерот Том Холанд, кој магазинот „Buzzfeed“ го праша во што е тајната на неговиот „риз“. Холанд изјави дека нема „риз“, но дека со упорност ја освоил актерката Зендаја која му е девојка.

Зборот на годината на Оксфорд за 2022 година беше „гоблински режим“ („goblin mode“), сленг збор за однесување кое е несовесно, самодоволно, мрзливо, невешто или алчно. Каспер Гратвол, кој е шеф на издавачката куќа Оксфорд Лингвистика, вели дека терминот „гоблински режим“ го опишува однесувањето што често се гледало за време на пандемијата на Ковид.

„Интересно е да се види како некои сосема различни термини, како што е „риз“, стануваат сè попопуларни“, вели тој.

Тој додава дека „ризот“ е одраз на отворањето по неколку предизвикувачки години на Ковид-19 и покажува како зборовите создадени во интернет заедницата имаат „растечко влијание врз секојдневниот живот“.

Во поширокиот избор имало осум зборови, па по гласањето на Интернет, четири влегле во потесниот избор, а зборот на годината конечно бил избран од тим експерти за јазици.