Со цел унапредување на соработката во превенирањето на шумските пожари, полицајци од СВР Охрид и Полициската станица за граничен надзор „Св. Наум“ денеска се сретнале со нивни колеги од Поградец, информира МВР.

На средбата биле договорени „координирани превентивни безбедносни мерки“, за да се подигне јавната свест за потребата од заштита на шумите од пожари и спречување на пожари на отворен простор.

Според договорот, ќе има заеднички полициски патроли низ шумските појаси околу граничниот и пограничниот појас за време на летната туристичка сезона, интензивни контакти за размена на информации за потенцијални ризици и креирање на директни меѓусебни информациски канали за побрза и поефикасна комуникација при евентуална појава на пожари на шумските појаси, како основа за итно известување за евентуално настанат пожар, што ќе значи брза реакција на надлежните служби за негово локализирање и гаснење, велат од МВР.

Македонски и српски полицајци заедно ќе патролираат во Охрид до крајот на август