Официјално: Стив Брус не е повеќе менаџер на Њукасл
Кога пристигнаа новите сопственици, беше јасно дека Стив Брус чека да добие отказ, се поставуваше само прашање кога тоа ќе се случи. Брус го водеше натпреварот клубот против Тотенхем минатиот викенд, кој го загуби со 3:2, и тоа беше неговиот последен меч на клупата на „црно-белите“.
Њукасл денеска официјално објави дека соработката е прекината и дека е во потрага по нов менаџер. Додека тоа се случи, Грем Џонс привремено ќе ги води фудбалерите почнувајќи со саботниот дуел против Кристал Палас на гостински терен (16.00 часот).
Екипата од „Ст. Џејмс Парк“ моментно се наоѓа на 18 место на табелата во Премиер лигата и досега нема забележано победа сезонава.
Како прв кандидат за наследник на Брус се шпекулира Пауло Фонсека, Португалецот кој во текот на летниот период се поврзуваше со Тотенхем, но неговиот сонародник Еспирито Санто ја доби работата.
Фонсека со Шахтјор Доњецк од 2016 до 2019 година трипати освојуваше двојна круна во Украина, а со Рома стигна до полуфиналето во Лига Европа минаата сезона. Седмото место во Серија А беше причина да биде отпуштен, по што во Рим дојде Жозе Мурињо.
#NUFC can confirm that Steve Bruce has left his position as head coach by mutual consent.
The club would like to place on record its gratitude to Steve for his contribution and wishes him well for the future.
— Newcastle United FC (@NUFC) October 20, 2021