Убедливиот пораз од Ватфорд (4:1) во Премиер лигата беше последниот натпревар за Оле Гунар Солскјер како менаџер на Манчестер јунајтед.

Воедно тоа беше и причина денеска клубот и официјално да ја прекине соработката со Норвежанецот поради лошите резултати оваа сезона.

– Оле секогаш ќе биде легенда на Манчестер јунајтед и со жалење дојдовме до оваа тешка одлука. Неговото место во историјата на клубот секогаш ќе биде сигурно, не само поради неговата приказна како играч, туку и како голем човек и менаџер кој ни даде многу одлични моменти. Тој засекогаш ќе биде добредојден назад на „Олд Трафорд“ како дел од семејството на Манчестер јунајтед – објавија од клубот.

Мајкл Карик сега ќе ја преземе екипата за претстојните натпревари, додека клубот е во потрага да назначи привремен менаџер до крајот на сезоната.

Започнаа шпекулациите дека францускиот великан Зинедин Зидан би можел да седне на клупата на „црвените ѓаволи“.

Manchester United can confirm that Ole Gunnar Solskjaer has left his role as Manager.

Thank you for everything, Ole ❤️#MUFC

— Manchester United (@ManUtd) November 21, 2021