Официјално: Батшуаји е нов соиграч на Алиоски во Фенербахче
Белгискиот фудбалер Миши Батшуаји официјално е нов фудбалер на турскиот гигант Фенербахче во чии редови летово дојде и македонскиот репрезентативец Езџан Алиоски.
– Нашиот клуб постигна договор за трансферот на Батшуаји – се вели на Твитер профилот на клубот од Истанбул, без детали за договорот.
Поранешниот напаѓач на Челси минатата сезона беше позајмен на Бешикташ. Во својата досегашна кариера 28-годишниот играч играше за Стандард Лиеж и Марсеј, пред да се пресели во Челси во 2016 година.
За време на договорот со лондонскиот клуб, пет пати беше позајмен во Борусија Дортмунд, Валенсија, двапати во Кристал палас и Бешикташ, каде минатата сезона постигна 14 гола.
Во последните денови од летниот преоден рок се шпекулираше дека Батшуаји ќе го засили Нотингем форест, но тој трансфер не беше завршен навреме.