Мартин Одегард сосема заслужено доби продолжување на договорот со Арсенал и така стана најплатен фудбалер во составот на Микел Артета.

Одегард ја носи капитенската лента и важи за еден од најважните фудбалери на Арсенал. Продолжувањето на договорот можеше и да се очекува затоа што во споредба со придонесот и примањата на соиграчите, Одегард тоа го заслужуваше.

Актуелниот договор му истекуваше за две години, а новиот ќе има важност до 2028 година. Со неделната плата од 112.000 фунти Одегард досега не беше ниту во топ 10 најплатени играчи на Арсенал, а сега ќе биде и над досега најплатениот Каи Хаверц кој добива 280.000 фунти неделно, детално финансиските детали не се откриваат.

„Потпишувањето на нов договор беше навистина лесна одлука за мене од многу причини. Главно тоа што го правиме како клуб сега за мене е посебно и сакам да бидам дел од тоа. Навистина сум возбуден од она што доаѓа. Најдов место каде што се прилагодив и можам да го кажам мој дом“, изјави Одегард.

Our captain is going nowhere 🇳🇴

Martin Odegaard has signed a new long-term deal with the clubpic.twitter.com/MQvSStIay5

— Gunners (@Gunnersc0m) September 22, 2023